dima sla
Admin
عدد المساهمات : 158
تاريخ التسجيل : 05/04/2009
العمر : 33
 |  موضوع: نكت مغربية لموووووت تالضحك  الإثنين يناير 18, 2010 2:48 am | |
| فارس الأحلام :
إليسا وهيفاء وهبي ونانسي عجرم راكبين ف التران، وكيهدرو على فارس الأحلام
قالت ليهم إليسا: أنا بغيت نتجوج بوليسي
قالت هيفاء: أنا بغيت نتجوج شينوي
قالت ليهم نانسي: أنا بغيت نتجوج كويري معروف
واحد سمعهم أشنو قالوا وجا عندهم قال ليهم: نعرفكم بنفسي، أنا العقيد شونج يانغ المعروف برونالدينو....................
عيد جواج :
واحد قال لصاحبو: بغيت ندير مفاجأة لمرتي بمناسبة عشر سنين د الجواج
قال ليه: واشنو غادي تدير ليها؟
قال ليه: غادي نديها للشينوا.
قال ليه صاحبو: الله ياودي! إيلا ف عشر سنين ديال الجواج ديتيها للشينوا، أشنو غادي تدير ليها ف العيد الخمسين د الجواج ديالكم؟
قال ليه: غادي نمشي نجيبها من تما................................
التوام :
هادا واحد الطبيب غادي يولد واحد المرا عندها تلاتة ديال التوام
خرج الولد اللول لقاه ناعس، وبدا كيضربو حتى فاق وحطو
مشى خرج الولد التاني، لقاه حتى هو ناعس، ناض كيضربو حتى فاق وحطو
مللي مشى يخرج الولد التالت ما لقاهش، وهو يقول للفرملية صافي كملي نتي خدمتك راه غير جوج ولاد للي كاينين
غير مشى الطبيب وهو يخرج الولد التالت راسو بشوية وقال للفرملية: واش هاداك خينا اللي كيسرفق الدراري صافي مشى فحالو؟
أذان المغرب :
واحد هبيل صايم واتصل ببرنامج الإهداءات قال ليهم: بغيت مقطع من أذان المغرب..........................
الميزان :
واحد غليض بزاف داز للفرماسيان باش يعبر، وهو تخرج ليه الورقة ديال الميزان مكتوب فيها: خوتي، واحد بواحد الله يخليكم.........
مايونيز :
واحد مشى عند صاحبو للمدينة ودار ليه صاحبو الفريت ومايونيز. قال ليه: بطاطا واخا، ولكن الزبدة علاش؟
مقلي :
هادا واحد كيقعل بزاف، تلاقى مع واحد صاحبو، سولو صاحبو: باش تغديتي؟ قال ليه: بالحوت. ومن بعد عام، تلاقى بهاداك صاحبو نيت وهو يسولو: وا كي داير؟ جاوبو: مقلي...................................
دردلاخ :
هادا واحد مشى لهولندا و ماتيعرفش الهولندية، يالله تايعرف صباح الخير هي الداخ. وصل تماك بالليل وناض الصباح بكري تيدور بوحدو وتيتسنى يدوز شي واحد باش يقول ليه الداخ. شوية دازت واحد النصرانية وسبقاتوا قالت لو الداخ. معرفش باش يجاوبها وقاليها دردلاخ ...........
الجلابة :
واحد مبوق حيد جلابتو وعلقها. شوية وهي تطيح هاديك الجلابة، وهي يقول مع راسو: الحمد لله مللي ما كنتش فيها.....................
حسب حتال 500 :
هادا واحد مكلخ ما كيجيهش النعاس. قال ليه واحد صاحبو: أنا عندي ليك واحد الطريقة واعرة غادي تعاونك تنعس، بقى تحسب حتال 500 وغادي يجيك النعاس. خينا مشى ف الليل و بدا كيحسب، غير وصل ل 199 و هو يجيه النعاس، وهو نيت ينوض وغسل وجهو و رجع للناموسية يكمل الحساب..................................
محمد :
هادا واحد مسيفط ختو تشوف ليه النتائج ديال الامتحانات. اتفق معاها تقول ليه ف التلفون إيلا سقط ف مادة وحدة: سلم عليك محمد. إيلا سقت ف جوج مواد: سلموا عليك محمد و محمد. إلخ
المهم مشات البنت تشوف النتائج وعيط ليها خوها، قال ليها: أ من درا؟ قالت ليه ختو: سلمت عليك أمة محمد كلها................. | |
|
